ÜST səyahətçilər üçün vaksinasiya pasportlarını müzakirə edir

Ümumdünya Səhiyyə Təşkilatının koronavirusla bağlı Beynəlxalq Səhiyyə Qaydaları təcili komitəsinin gündəminə səyahətçilər üçün peyvənd pasportları məsələsi salınıb.

“RİA Novosti”nin məlumatına görə, bu barədə ÜST-ün Avropa Bürosunun immunizasiya şöbəsinin baş mütəxəssisi Oleq Beneş bildirib.

Onun sözlərinə görə, Beynəlxalq Səhiyyə Tənzimləmə Komitəsi vaxtaşırı koronavirusla mübarizə tədbirləri ilə bağlı məsələləri araşdırır.

“Koronavirus infeksiyasına qarşı təsirli və təhlükəsiz peyvəndlərin meydana çıxması ilə ÜST beynəlxalq səyahətçilərin peyvənd edilməsi ilə bağlı məsələləri və problemləri öyrənir”, – deyə o vurğulayıb.

Beneş beynəlxalq vaksinasiya sertifikatının istifadəsinin beynəlxalq tibbi-sanitar qaydalarla tənzimləndiyini xatırladıb.

---

Məlumat oxu.az saytından götürülmüşdür.