Türkiyə dünya ölkələrinə 70 milyon gül göndərib

Müqəddəs Valentin Günü ərəfəsində Türkiyədən 22 ölkəyə 70 milyon gül göndərilib.

Bu barədə “Daily Sabah” qəzeti məlumat yayıb. Satılan güllərin böyük bir qismi Niderland, Böyük Britaniya, Almaniya və Rumıniya kimi Avropa ölkələrinin payına düşür.

Türkiyənin dekorativ bitki və məhsulların ixracı assosiasiyasının rəhbəri İsmayıl Yılmaz “Anadolu Agentliyi”nə verdiyi açıqlamasında bildirib ki, pandemiya şəraitində ölkənin gül ixracı daha da artıb.

Onun sözlərinə görə, 2019-cu ildə Türkiyədən ümumi dəyəri 6 milyon dollar olan 60 milyon gül ixrac olunubsa, 2020-ci ildə bu rəqəm müvafiq olaraq 7 milyon dollar və 70 milyon gülə çatıb.

---

Məlumat oxu.az saytından götürülmüşdür.