Avstraliyanın Səhiyyə naziri koronavirus peyvəndindən sonra xəstəxanalıq oldu

Avstraliyanın Səhiyyə naziri Qreq Hant koronavirusa qarşı “AstraZeneca” ilə vaksinasiyadan sonra xəstəxanaya yerləşdirilib.

Bu barədə “Reuters” xəbər yayıb.

Vaksin vurulan nazirin bir neçə gün sonra naməlum infeksiya səbəbindən xəstəxanaya yerləşdirildiyi bildirilir.

Nazirdə hansı simptomların olduğu deyilməsə də, onun antibiotiklər qəbul etdiyi və gecə nəzarət üçün xəstəxanada qalacağı məlumdur.

“Nazirin tam sağalmağı gözlənilir. Onun vəziyyətinin vaksinlə əlaqəli olmadığı hesab edilir”, – deyə nümayəndələri qeyd edib.

---

Məlumat oxu.az saytından götürülmüşdür.