Alman tarixçi erməni yalanını ifşa etdi – VİDEO

Baydenin qondarma “erməni soyqırımı” haqqındakı bəyanatından sonra alman tarixçi Qotz Alinin məsələ ilə bağlı altı il öncəki açıqlamaları yenidən aktuallaşıb.

“Haber Global”ın məlumatına görə, tarixçi o zaman iştirak etdiyi televiziya proqramlarının birində vaxtilə Osmanlı ərzisindəki erməni quldur dəstələrinin Rusiya, İngiltərə və digər Avropa dövlətlərinin dəstəyi ilə milyonlarla türkü qətlə yetirdiyini yada salıb.

Q.Ali qondarma “soyqırımı” iddialarının təkcə Türkiyə – Ermənistan məsələsi olmadığını da qeyd edib. Tarixçi bildirib ki, bu hadisələr birbaşa qərb dövlətlərinin təhriki ilə baş verib və bu barədə mütləq danışmaq lazımdır. Belə ki, məhz qərb dövlətləri ermənilərdən Osmanlı İmperiyasını zəiflətmək üçün bir vasitə kimi istifadə ediblər.

---

Məlumat oxu.az saytından götürülmüşdür.