Tacikistan münaqişə zamanı qaçırılan avtomobilləri Qırğızıstana qaytardı
![](https://turanmedia.az/wp-content/uploads/2021/05/tacikistan-munaqise-zamani-qacirilan-avtomobilleri-qirgizistana-qaytardi-20210505094803.jpg)
Tacikistan münaqişə zamanı taciklər tərəfindən qaçırılan avtomobilləri Qırğızıstana qaytarıb.
Bu barədə “RİA Novosti” Qırğızıstan Dövlət Sərhəd Xidmətinə istinadla məlumat verib.
Məlumata görə, hazırda Qırğızıstan-Tacikistan sərhədində vəziyyət sabit olaraq xarakterizə olunur.
Xatırladaq ki, aprelin 28-də Qırğızıstan və Tacikistan sərhədində mübahisəli “Qolovnoy” su paylama məntəqəsi ətrafında yerli sakinlər arasında münaqişə baş verib. Hər iki tərəfdəki qarşıdurmalar nəticəsində təxminən 40 nəfər ölüb, 200-dən çox adam yaralanıb. Mayın 1-də Bişkek və Düşənbə Qırğızıstan-Tacikistan sərhədində tam atəşkəs barədə razılığa gəlib.
Qırğızıstanın Tacikistanla silahlı sərhəd qarşıdurmasının baş verdiyi Batken vilayətinə xüsusi status veriləcək.
Məlumat oxu.az saytından götürülmüşdür.