Finlandiya rəhbərliyində pulsuz səhər yeməyi ilə bağlı qalmaqal

Finlandiyada baş nazir Sanna Marinin ailəsinin pulsuz səhər yeməyi ilə əlaqədar böyük qalmaqal yaşanıb.

Məşhur “Iltalehti” qəzetinin yazdığına görə, dövlət büdcəsindən hər ay hökumət başçısının səhər yeməyinə təxminən 300 avro (621 AZN) xərclənir.

Eyni zamanda, Dövlət Şurası Ofisindən bildirib ki, bu məqsədlər üçün pul Paavo Lipponenin başçılıq etdiyi gündən bəri ayrılıb.

Ancaq ertəsi gün Ofis yoxlanılmamış məlumatlar yaydığına görə üzr istəyib. Keçmiş baş nazirin həyat yoldaşı Payavi Lipponen idarənin açıqlamalarından qəzəblənib, hətta məlumatları təkzib etməsini istəyib. O deyib ki, baş nazirin ailəsinin qidalalanması üçün büdcədən pul ayrılmayıb:

“Ailəmizin yemək xərcini özüm ödəmişəm. Hər şeyi özüm hazırlamışam, bişirmişəm və təmizləmişəm. Hətta mənzilimizin kirayə haqqını da özümüz vermişik”.

Baş Katiblik məlumatları yoxlayacağına, arxiv sənədlərini qaldıracağına və çekin əvvəllər elan edilmiş məlumatların etibarsızlığını göstərdiyi təqdirdə təkzib yayacağını vəd edib.

Həm də bu çek Finlandiya büdcəsindən gələn pulun hansı andan etibarən baş nazir ailəsinin naharına xərclənməyə başladığını göstərməlidir. Hökümət başçısına və ailəsinə pulsuz pişmiş yumurtaların çatdırılmasını əmr edən məmurun adı isə açıqlanmalıdır.

---

Məlumat oxu.az saytından götürülmüşdür.