Gürcüstanda ən geniş yayılmış yol hərəkəti qaydaları pozuntuları açıqlanıb

Gürcüstan DİN cari ilin ilk üç ayının yekunlarına əsasən ölkədə ən geniş yayılmış yol hərəkəti qaydaları pozuntularını açıqlayıb.

“Sputnik” xəbər verir ki, birinci yerdə sürət həddinin aşılmasıdır. Sürücülərə yazılan cərimələrin 1/3 hissəsi məhz bu qayda pozuntusunun payına düşür.

İkinci yerdə “ehtiyatsız idarəetmə” – yol nişanlarının inkar olunması, səs və işıq siqnallarından lazımsız istifadə kimi hallar gəlir.

Sonrakı yerləri parklanma qaydalarının pozulmlası və texniki baxışdan keçməmək tutur.

İlk beşliyi isə 18 min nəfərlik cərimə ilə sükan arxasında söhbət qapayır.

Ümumilikdə, ilin ilk üç ayı ərzində polis patrulları tərəfindən 671 min cərimə yazılıb.

---

Məlumat oxu.az saytından götürülmüşdür.