Ötən il “SOCAR Polymer” ölkəyə 30 faiz daha çox gəlir gətirib

“SOCAR Polymer” MMC ixrac gəlirlərini 30,1 faiz artırıb.

Bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın 2021-ci ilin yanvar sayında məlumat verilib.

2020-ci il ərzində “SOCAR Polymer” qeyri-neft sektoru üzrə əsas ixracatçı müəssisələr arasında ən çox ixrac həyata keçirən ikinci şirkətdir.

Ötən il ərzində “SOCAR Polymer” MMC tərəfindən 102,1 milyon ABŞ dolları, 2019-cu illə müqayisədə, 23,6 milyon dollar dəyərində daha çox qeyri-neft sektoru məhsulu ixrac edib. 2019-cu ilin eyni dövründə bu ixrac həcminin dəyəri 78,5 milyon dollar təşkil edib.

Təkcə 2020-ci ilin dekabr ayında “SOCAR Polymer” tərəfindən 13,3 milyon dollar dəyərində qeyri-neft məhsulu ixrac edib.   

Qeyd edək ki, “SOCAR Polymer”ə illik istehsal gücü 184 min ton olan Polipropilen Zavodu və illik istehsalı 120 min ton təşkil edən Yüksəksıxlıqlı Polietilen Zavodu daxildir.

---

Məlumat oxu.az saytından götürülmüşdür.