Pandemiya iaşə obyektlərinin gəlirlərini kəskin azaldıb

2020-ci ildə Bakıda ictimai iaşə dövriyyəsi 476,2 milyon manat olub.

Bakı Şəhər Statistika İdarəsinin məlumatına görə, ictimai iaşə dövriyyəsi 2019-cu illə müqayisədə real ifadədə 59,4 faiz azalıb. 

Qeyd edilib ki, özəl sektorda ictimai iaşə dövriyyəsinin 55,5 faizi hüquqi şəxs statuslu müəssisələrin, 44,5 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür.

Hüquqi şəxslər üzrə dövriyyə 2019-cu illə müqayisədə 45 faiz azalaraq 266,9 milyon manat olub.

---

Məlumat oxu.az saytından götürülmüşdür.