Ağ Evin Cənub Qaz Dəhlizindən gözləntisi açıqlandı – RƏSMİ
132 Baxış
“Cənub Qaz Dəhlizi mühüm bir texnoloji və diplomatik nailiyyətdir. Bu layihəni vaxtında və 7 milyard dollardan az büdcə ilə başa vurmasına görə dövlət strukturları ilə özəl şirkətlər arasındakı səmərəli əməkdaşlıqdan qürur duyuruq”.
Oxu.Az-ın məlumatına görə, bunu ABŞ-ın Azərbaycandakı səfirliyi bəyan edib.
Səfirlik qeyd edib ki, ABŞ hazırda Cənub Qaz Dəhlizi layihəsinin mövcud və yeni bazarlara çatdırılacaq yeni qaz mənbələri ilə genişləndirilməyini gözləyir.
Qeyd edək ki, fevralın 11-də Cənub Qaz Dəhlizi Məşvərət Şurası çərçivəsində nazirlərin videokonfrans formatında VII iclası keçirilib.
İclasda Azərbaycan Respublikasının Prezidenti İlham Əliyev çıxış edib.
Aqşin Kərimov
Məlumat oxu.az saytından götürülmüşdür.