“Şahdəniz 2” üzrə artıq ümumilikdə qazılan quyuların sayı AÇIQLANDI

2021-ci il 30 iyun tarixində hasilatına başlanılan “Şahdəniz 2”nin Şərq-Cənub cinahının 2021-ci ilin üçüncü rübündə tam hasilat səviyyəsinə çatacağı gözlənilir.

“BP Azərbaycan”dan Oxu.Az-a verilən məlumata əsasən, ikinci rübdə “Şahdəniz Alfa” platformasından quyu qazılmayıb, bu müddət ərzində platformanın qazma qurğusunda profilaktik işlər aparılıb.

İstiqlal qazma qurğusu üç sualtı quyuda – SDF03, SDF04 və SDC05-də tamamlama işlərini bitirib. “Maersk Explorer” qurğusu SDH03 quyusunun alt hissəsini tam dərinliyinədək qazıb və quyu konservasiya olunub.

Bu iki qurğu “Şahdəniz 2” hasilatı və sonrakı tədrici artım üçün artıq ümumilikdə 21 quyu qazıb və bunlardan 19-unu tamamlayıb – yatağın şimal cinahında beş quyu, qərb cinahında dörd quyu, şərq-cənub cinahında dörd quyu, qərb cinahın cənub hissəsində dörd quyu, şərq cinahın şimal hissəsində iki quyu tamamlanıb. Qərb cinahın cənub hissəsində bir quyu və şərq cinahın şimal hissəsində bir quyu tam dərinliyədək qazılıb və konservasiya olunub.

---

Məlumat oxu.az saytından götürülmüşdür.