Dunya Miyatoviç Kəlbəcərdə baş vermiş mina faciəsinə münasibət bildirib – FOTO

Avropa Şurasının İnsan Haqları üzrə Komissarı Dunya Miyatoviç bu gün Kəlbəcərdə baş vermiş mina faciəsinə münasibət bildirib.

O, bu barədə “Twitter” hesabında yazıb.

Avropalı siyasətçi təcili şəkildə münaqişənin təsirinə məruz qalmış ərazilərin minalardan təmizlənməsinə ehtiyacın olduğunu bildirib.

“Kəlbəcərdə ikisi media nümayəndəsi olmaqla üç nəfərin ölümü və bir neçə nəfərin yaralanması ilə nəticələnən mina partlayışı Qarabağda münaqişənin təsirinə məruz qalmış ərazilərin beynəlxalq əməkdaşlıq vasitəsilə minalardan təmizlənməsinə təcili ehtiyac olduğunu göstərir”, – deyə Dunya Miyatoviç qeyd edib.

Bir daha xatırladaq ki, bu gün Kəlbəcər rayonunun Susuzluq kəndi ərazisində “Azərtac”ın müxbiri Məhərrəm İbrahimov, AzTV-nin operatoru Sirac Abışov və Kəlbəcər RİH başçısının Susuzluq kənd inzibati ərazi dairəsi üzrə nümayəndəsinin müavini Arif Əliyev tank əleyhinə minaya düşərək həlak olub, 4 nəfər isə yaralanıb.

The explosion of a landmine which killed three people, including two journalists, & wounded several others in Kalbajar shows the urgent need to demine the areas affected by the conflict in #NagornoKarabakh, including through international cooperation

— Commissioner for Human Rights (@CommissionerHR) June 4, 2021

---

Məlumat oxu.az saytından götürülmüşdür.