Neft Fondunun ilk üç ayda AÇQ və Şahdənizdən əldə etdiyi gəlir məlum oldu

Azərbaycan Respublikası Dövlət Neft Fondu 2021-ci ilin yanvar-mart ayları ərzində Azəri-Çıraq-Günəşli və Şahdəniz yataqları üzrə ümumi 982,7 milyon ABŞ dollarına yaxın gəlir əldə edib.

Dövlət Neft Fondundan Oxu.Az-a verilən məlumata əsasən, bu dövrdə Azəri-Çıraq-Günəşli yatağından 953,5 milyon dollar həcmində gəlir əldə edib ki, ötən ilin müvafiq dövrü ilə müqayisədə bu göstərici 1,7 dəfəyə qədər azdır.

Həmçinin, yanvar-mart ayları ərzində Şahdəniz qaz və kondensat yatağından əldə edilən gəlirin ümumi həcmi 29,2 milyon ABŞ dolları olub və ötən ilin yanvar-mart ayı ilə müqayisədə 5,1 dəfə azalıb. 

---

Məlumat oxu.az saytından götürülmüşdür.