Kənd və qəsəbələrdəki tibb işçilərinə həvəsləndirici əlavələr ödəniləcək

Kənd və qəsəbə tibb məntəqələrində çalışan həkimlərə hazırkı qaydalara görə 200 manat məbləğində sabit həvəsləndirici əlavələr nəzərdə tutulub.

Oxu.Az xəbər verir ki, bu sözləri İcbari Tibbi Sığorta üzrə Dövlət Agentliyinin İnvestisiya şöbəsinin müdiri Yadigar Mahmudzadə deyib.

O bildirib ki, orta və kiçik tibb heyəti üçün hazırda tədbirlər görülür:

“Yaxın zamanlarda onlar üçün də həvəsləndirdici əlavələrin verilməsi nəzərdə tutulur. Qeyd edim ki, onların vahid tarif cədvəli üzrə vəzifə maaşları, staja görə əlavələr qalmaq şərti ilə söhbət həvəsləndirici əlavələrdən gedir”.

---

Məlumat oxu.az saytından götürülmüşdür.