420 qaziyə əlillik dərəcəsi təyin edildi – RƏSMİ

“Vətən müharibəsində yaralanan qazilərdən artıq 420 nəfərə müvafiq əlillik dərəcələri təyin olunub”.

Oxu.Az-ın məlumatına görə, bunu Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Cavid Əbdül-Qədirov deyib.

Onun sözlərinə görə, hazırda proses davam edir:

“17 nəfər yüksək texnologiyalı protezlə təmin edilib”.

O, əlavə edib ki, növbədə duran və yuxarı ətraf yüksək texnologiyalı protezlərin təmin olunması üçün İslandiya şirkəti dəvət edilib:

“Qazilərin yuxarı ətraf ölçüləri götürülüb. Altı-səkkiz həftə sonra qazilərin təminatı həyata keçiriləcək. Qarabağ qazilərinin protez təminatı ilin sonuna qədər tamamlanacaq”.

İlhamə Əbülfət

---

Məlumat oxu.az saytından götürülmüşdür.