Neftçalada ötən gün dənizdə batan üçüncü şəxsin meyiti tapılıb

Neftçalada ötən gün dənizdə batan 3-cü şəxsin meyiti tapılıb.

“Report”un məlumatına görə, ötən gecə Neftçala şəhər sakini, 1977-ci il təvəllüdlü Mənəfov Şükür Vaqif oğlunun meyiti dəniz sahilində aşkarlanıb. Meyit götürülərək aidiyyəti üzrə təhvil verilib.

Qeyd edək ki, ötən gün rayonun Şirvanlı kəndi ərazisində Neftçala şəhər sakinləri, 1977-ci il təvəllüdlü Bədəlov Məmməd Əvəz oğlu və onun oğlu, 2013-cü il təvəllüdlü Bədəlzadə Əbülfəz Məmməd oğlu dənizdə çimərkən boğulub. Şükür Mənəfov onları xilas etmək istəyən zaman o da dənizdə boğularaq batıb.

Faktla bağlı araşdırma aparılır.

---

Məlumat oxu.az saytından götürülmüşdür.