Bir ilk: Süni intellekt hərbi təyyarədə ikinci pilotu əvəz etdi – FOTO

“U-2 Dragon Lady” kəşfiyyat təyyarəsinin sınaq uçuşu zamanı süni intellekt ikinci pilotu əvəz edə bilib. İlk dəfədir ki, ABŞ hərbi təyyarəsinin göyərtəsində bu rolda süni zəkadan istifadə edilib.

“RİA Novosti”nin məlumatına görə, bu barədə ABŞ Hərbi Hava Qüvvələrinin açıqlamasında deyilir.

Bildirilir ki, “ARTUµ” kimi tanınan süni intellekt alqoritmi ABŞ Hava Qüvvələrinin alimləri tərəfindən hazırlanıb. Açıqlamada süni zəka sisteminin ikinci pilotun yerinə yetirəcəyi müəyyən uçuş tapşırıqlarını həyata keçirmək üçün hazırlandığı bildirilir.

Təyyarə raket zərbəsi imitasiyası zamanı kəşfiyyat missiyasını həyata keçirib. “ARTUµ”un əsas vəzifəsi isə düşmən raketlərini aşkar etmək olub.

(1 of 2) NEW. For the first time, @usairforce put #AI safely in charge of a US military system. Call sign “Artuμ,” we modified world-leading μZero gaming algorithms to operate the U-2’s radar. This first AI copilot even served as mission commander on its seminal training flight! pic.twitter.com/bjdBZkjiUO

— Will Roper (@WILLROP3R) December 16, 2020

---

Məlumat oxu.az saytından götürülmüşdür.