ABŞ-ın daha bir konqresmenindən Xocalı soyqırımının 29-cu ildönümü ilə əlaqədar BƏYANAT

ABŞ-ın İllinoys ştatının Nümayəndələr Palatasının üzvü, Konqresmen Kam Bukner Xocalı qətliamının 29-cu ildönümü ilə əlaqədar bəyanat verib. 

Bu barədə Diasporla İş üzrə Dövlət Komitəsi məlumat yayıb.

Bəyanatda qeyd edilib ki: “26 fevral 1992-ci ildə Azərbaycanın Xocalı şəhərində faciə baş verib.

366-cı alayın köməyi ilə Ermənistan silahlı qüvvələrinin şəhərə hücumu xaos, şiddət və kütləvi soyqırımı ilə nəticələnib.

29 il sonra Azərbaycan və beynəlxalq ictimaiyyətin tarixindəki o ağrılı gündə qətlə yetirilmiş günahsız mülki şəxslərin itirilmiş həyatlarını və xatirələrini hörmətlə anırıq.

O gün qətlə yetirilmiş 613 nəfərin və yaralanan 1000-dən çox adamın ailə üzvlərinə səbr, ədalət, sülh və beynəlxalq hüququn aliliyi uğrunda davamlı mübarizədə uğur diləyirəm”.

Qeyd edək ki, Kam Bukner 26-cı dairədən  İllinoys Nümayəndələr Palatasının Demokratlar partiyasından olan üzvüdür.

Bəyanat İllinoysda yaşayan Azərbaycan icmasının üzvü Aygün Rüstəmlinin təşəbbüsü ilə qəbul edilib.

---

Məlumat oxu.az saytından götürülmüşdür.