Bir il əvvəl qəzada oğlunu itirən rusiyalı milyarder öldürüldü – VİDEO

İki naməlum şəxs rusiyalı biznesmen Vladimir Maruqovun evinə girərək onu qətlə yetirib, milyarderin bir yerdə yaşadığı qadın isə xilas ola bilib.

Bu barədə “İnterfaks” məlumatlı mənbəyə istinadla xəbər verib.

Məlumata görə, maskalı iki nəfər Maruqovun Moskva vilayətində Anosino kəndindəki bağ evinə soxulub. Onlar biznesmenin və yaşadığı qadın Səbinə Qaziyevanın əl-qolunu bağlayıblar. Lakin qadın özünü pəncərədən ataraq qaça bilib.

Cinayətkarlar isə kişini arbaletdən vurublar.

Qadın qonşuların evindən polis əməkdaşlarını çağırmağı bacarıb.

Hadisə ilə bağlı cinayət işi başlanıb.

---

Məlumat oxu.az saytından götürülmüşdür.