II Yelizavetanın 17 milyard dollarlıq şirkəti üzə çıxıb

Britaniya kraliçası II Yelizavetanın adı ölkənin ən iri daşınmaz əmlak agentliklərindən biri olan “The Crown Estate” şirkətilə əlaqələrdə hallanır.

Bu barədə “Doyçe Velle” məlumat yayıb.

Məlumata görə, şirkət hər il gəlirinin böyük bir hissəsini Britaniya hökumətinə verir. Məbləğin 25%-i kral ailəsinin saxlanmasına xərclənir.

Bildirilir ki, agentliyin kral ailəsinə məxsus olduğu barədə ciddi şübhələr var. Əgər bu fakt öz təsdiqini tapsa, o zaman II Yelizaveta rəsmən krallığın ən varlı şəxslərindən biri sayılacaq. Belə ki, adıçəkilən daşınmaz əmlak şirkətinin dəyəri 17.3 milyard dollardan çoxdur.

---

Məlumat oxu.az saytından götürülmüşdür.