NASA meşə yanğınlarının interaktiv xəritəsini hazırlayıb – FOTO

ABŞ Aerokosmik Agentliyi (NASA) planetimizdəki meşə yanğınlarının interaktiv xəritəsini hazırlayıb.

Xəritə qurumun rəsmi saytında yerləşdirilərək istifadəçilərin ixtiyarına verilib.

İlk baxışdan 6 qitənin 5-də yanğınların baş verdiyini görmək mümkündür. Yanğın ocaqları xəritədə qırmızı nöqtələrlə işarələnib. Hərçənd, onlardan bəzilərinin vulkan və qaz yataqlarından çıxan atəşi göstərdiyi bildirilib.

Qeyd edək ki, hazırda, Avropa, Afrika, ABŞ, Cənubi Amerika, Rusiya və Avstraliya meşə yanğınlarından əziyyət çəkir.

---

Məlumat oxu.az saytından götürülmüşdür.