Baş icraçı direktor: “Yeni layihələr qiymətlərin azalmasına səbəb ola bilər”

“Turizm sektorunda qiymətlərin artması bizim də diqqətimizdə olan məsələlərdəndir”. 

Oxu.Az xəbər verir ki, bu barədə Azərbaycan Turizm Bürosunun Baş icraçı direktoru Florian Zenqstşmid məlumat verib. 

O bildirib ki, turizm sektorunda qiymətlərin tənzimlənməsi qurumun səlahiyyətlərinə daxil deyil: 

“Bazaryönümlü iqtisadiyyatda qiymətlər tələb və təklif əsasında formalaşır. Tərəfimizdən müəyyən xidmət və turizm məhsullarının yaradılması işləri aparılır. Qonaq evlərinin və eko-turizmin yaradılmasına çalışırıq. Bununla da qiymətlərə nəzarət etmirik, sadəcə təklif olunan turizm xidmətlərini artırırıq”. 

O qeyd edib ki, bu cür layihələrin tədbiqi ilə hər bir turistin büdcəsinə uyğun turizm xidmətləri təqdim etməyə çalışılır ki, bu proqramların da qiymətlərin azalmasına səbəb ola bilər.

Nigar Məmmədova

---

Məlumat oxu.az saytından götürülmüşdür.