Beyləqanda evi tərk edən koronavirus xəstələri saxlandı – FOTO

Beyləqanda yaşadığı ünvanı tərk edən “COVID-19” xəstələri müəyyən edilib.

Daxili işlər Naizrliyinin Mətbuat Xidmətinin Bərdə regional qrupundan verilən məlumata görə, polis əməkdaşları tərəfindən rayon ərazisində koronavirus testi müsbət çıxmış şəxslərin yaşadığı ünvanı tərk edib-etməməsi yoxlanılarkən iki nəfərin – rayon sakinləri X.Məmmədov və İ.Zeynallının  karantin qaydalarına zidd davranaraq yaşadıqları ünvanı tərk etdikləri  müəyyən edilib.

Həmin şəxslərin qanunazidd hərəkətlərinin qarşısı alınıb və yenidən yaşadıqları ünvana gətiriliblər. Onlarla profilaktiki mövzuda söhbətlər aparılaraq koronavirus pandemiyasının bəşəri bəla olduğu, bütün dünyanın bu bəladan əziyyət çəkdiyi deyilib.

Beyləqan RPŞ-nin İstintaq Bölməsində araşdırma aparılır.

---

Məlumat oxu.az saytından götürülmüşdür.