Ukrayna Silahlı Qüvvələrinin gün ərzində Kursk istiqamətində itkiləri 230-dan çox hərbçi, 2 tank və 2 zirehli texnika təşkil edib. Bu barədə Rusiya Müdafiə Nazirliyi məlumat yayıb.
Ümumilikdə, Kursk istiqamətində gedən döyüşlər zamanı qarşı tərəf 43 740-dan çox hərbi qulluqçusu, 255 tankı, 194 piyada döyüş maşını, 136 zirehli transportyoru, 1318 zirehli döyüş maşını, 1182 texnikası, 324 ədəd artilleriya qurğusu, raket sistemləri, o cümlədən 11 HIMARS və 6 MLRS ABŞ istehsalı, 13 zenit-raket sistemlərinin buraxılış qurğularını itirib.